Saturday, December 14, 2013

Spesiaal vir Jedidja - my vriendin daar in 'n ver ver land.


Jy moet verskoon dat ek nie antwoord op jou kommentaar nie. Dit is heeltemal onmoontlik via mobile!

En hier antwoord ek spesiaal: Die vorige foto lyk wel na woestyn, maar dit is glad nie. Dit is die area tussen Caledon en Napier. Landbou aarde. Eintlik na al die winter reen is dit verbasend groen.

Hierdie foto is van die Nederduits Gereformeerde Kerk op Napier. 'n Pragtige historiese gebou.

Struisbaai is 'n kusdorpie net regs van die mees suidelikste puntjie van Afrika. Die seewater is heerlik warm. Dit is 'n vissers gemeenskap, en hier vang die manne geelstert! My man se^ dat Struisbaai die langste ononderbreekte strand en kuslyn het in die hele suidelike halfrond - 19 kilometer!

Maar hier is ook die plek waar ons al die allervreeslikste wind beleef het! Al die karavane is vasgebind met stormstraps en lang tentpenne! Ek het gedink ek is enigste bangbroek wat spesiaal sandsakke gestik het om saam te bring om ons tent goed te anker. Tot my verbasing is ek glad nie die enigste kampbewoner met dieselfde planne nie. Byna almal het sommer met hul voertuie afgery strand toe om sandsakke vol te maak!

Nou sal jy dalk vra: Waarom op dees aarde in 'n karavaan gaan bly, in die wind, in die reen, sonder die gemak van jou eie huis???

Vir blaaskans. Vir wegkom. Vir by die see. Geen huisskoonmaak of stofsuig of afstof nie. Net vakansie. En dan, wanneer ons huistoe gaan, waardeer ons ons luukse huis met eie bad en eie kombuis en gemaklik slaap met geen vrees vir woeste winde nie!

Kersgroete
Mignon
Sent from my BlackBerry® wireless device

1 comment:

  1. :-) Dank je wel. Hier even een lieve knuffel uit het donkere land ( op dit moment) Ik geniet van je zonnige foto's en wel, ik hou van geschiedenis. Geniet ervan Mignon!

    ReplyDelete

Thank you for stopping by. I would love to hear from you so drop your comment in the box.

Related Posts Plugin for WordPress, Blogger...