Tuesday, October 1, 2013

Top Tien op 'n Dinsdag


Vandag, tien dinge wat ek vermy, en iets wat jy dalk nie van my geweet het nie...
  1. Ek vermy glans vroue tydskrifte! Eintlik alle vroue tydskrifte. My redes hiervoor is genoeg vir 'n hele blog inskrywing op 'n ander dag...
  2. Ek vermy gesprekke in 'n groep. Jy mag dalk nie geweet het nie, maar ek is doof in my linker oor en dit maak dit vir my geweldig moeilik om in 'n groep te funksioneer, veral as meer as een persoon op 'n slag praat.
  3. Ek bly weg (of ek probeer altans wegbly) van boekwinkels af! Ek is mal oor boeke!
  4. En op die onderwerp van boeke: Ek lees nie fiksie nie. Dit is vir my 'n mors van kosbare tyd.
  5. Ek vermy die TV. Kannie so sit en niks doen nie.
  6. Ek vermy 'n gejaag en 'n geskarrel. Kinders slaan bot toe as jy hulle aanjaag en opskud en maak om gou-gou te maak. Dan val die wiele sommer van die wa af!
  7. Ek vermy 'n kafee pastei. 
  8. Ek probeer om nie te veel tyd hier voor die rekenaar te spandeer nie, maar ai ek hou tog so daarvan om te blog!
  9. Facebook. Hmm, ek 'delete' gereeld my profiel!
  10. Laaste maar nie die minste vermy ek om stiltetyd te vermy. 
'n Aanhaling van John Bunyan:- "He who runs from God in the morning will scarcely find Him the rest of the day."

Is daar iets wat jy sover moontlik probeer vermy?
Mignon 

2 comments:

  1. Ek stem! Ons noem die glans tydskrifte "You suck magazines" - langerige storie, herhinder my om jou een of ander tyd te vertel ;)

    ReplyDelete

Thank you for stopping by. I would love to hear from you so drop your comment in the box.

Related Posts Plugin for WordPress, Blogger...