Thursday, May 30, 2013

Gerookte kalkoenboud - Argilla styl.

Ek is versot op my Argilla breekware! Mens sou dink dat dit baie duur is, maar glo my dit is nie die geval nie. Ek sou nie gesonde kos vir my gesin kon voorberei in hierdie besige huishouding as dit nie was vir my Argilla bakke nie! Ek gaan in die volgende paar weke gereeld van my gunsteling Argilla resepte hier plaas:


Spuit 'n oondbak met Spray & Cook. Plaas uie en wortels onder in die bak.
Dan die gerookte kalkoenboud bo-op, en sit dan gesnyde aartappels rondom. Smeer die aartappels liggies met olyfolie om te verhoed dat dit uitdroog (sommer met 'n kwas) en sprinkel klein bietjie sout oor die aartappels.

Plaas die bak met deksel op binne in 'n KOUE OOND. Skakel die oond aan vir 20 minute op 120 grade Celsius, en dan op 140 grade Celsius vir 100 minute.
Net voor die ete klaar is, meng bietjie mielieblom met koue water en meng dit met die sous onder in die bak en plaas onmiddelik weer terug in die warm oond vir nog 10 minute of tot die sous deurgekook het.

Waarskuwing vir jou Argilla bak: Moet nooit die breekware te vinnig opwarm of laat afkoel nie! Jou bak sal beslis kraak - dit het al met my gebeur. Dit is ook die rede waarom jy die bak in 'n koue oond plaas en dan geleidelik die oond warm maak.


Bedien met bruinrys en lensies!
Geniet!
Mignon

Wednesday, May 29, 2013

Wednesday picture story.







Waar op dees aarde kan mens nog op 'n kameel se rug ry?
By Imhof park, Kommetjie!
Dit was omtrent 'n belewenis vir die kinders!

Tuesday, May 28, 2013

To compromise...

Daar is een ding wat ek baie streng oor is: wat my kinders kyk op die kassie. Oor die jare het ek al baie kompromieë gemaak, maar een ding staan vas: geen towery, magic, feëtjies, zombies, towenaars, towerspreukeof magiese kragte nie. Dáár trek ek die streep.

Wanneer daar iets nuuts op die rakke is, doen ek saam met die kinders bietjie navorsing en dan besluit ons of ons dit kan/gaan kyk of nie.

Toe kom Brave: 'n hele ruk voor die bekendstelling hier in Suid Afrika het ek verneem dat dit 'n uitstekende mamma-dogter fliek is. En so het ek en my twee oudste dogters díe gaan kyk.


En ja, dit wás 'n goeie mamma-dogter fliek, maar al die towery en heksery het vir my al die goeie daarin oorskadu. En so het ek 'n skrefie in die deur oopgemaak...


Met Rise of the Guardians het ek en die kinders besluit dat ons nie vir Santa, Toothfairy, Sandman en die Easter bunny plek sal maak nie. En vir lank het ons vasgestaan. Tot verlede Vrydag, in 'n oomblik van swakheid neem ek toe die fliek uit vir die kinders. O! was hulle in hul noppies! En die deur staan 'n bietjie wyer oop...

Sondag gaan pappa en tweede oudste om 'n fliek te gaan uitneem. Raai waarvoor sien my dogter kans:


Eers was ek baie ontsteld met my dogter se onvermoë tot onderskeiding, maar toe besef ek dit was alles as gevolg van die deure wat ek SELF oopgemaak het.

Wat staan my te doen?
Moet ek toelaat dat my kinders so half en half weet wat reg en verkeerd is, of gaan ek onwrikbaar staan teen die bose invloed van die media. Kan ek van hulle verwag om 'n goeie sin van onderskeiding te hê as ek hulle nou en dan gaan blootstel aan gemors? Gaan ek net 'n bystaander wees en toekyk en maar net alles toelaat ter wille van sogenaamde vrede? Want oe kinders kan lekker manipuleer en verskonings uitdink oor hoekom hulle 'n fliekie móét kyk!

My antwoord: nee. En 'n baie besliste nee!

Die prys?
Duur. Ek moes om verskoning vra vir my eie slegte besluite. Ek kan ook in hulle ogies sien dat 'n bietjie vertroue en respek en eer daarmee heen is. As 'n ouer nie by haar standpunt kan bly nie, is dit die kinders en verhoudings wat seerkry.

Ek het gaan kyk na webtuistes soos pluggedin.com en crosswalk.com maar hierdie webtuistes neem nie regtig standpunt in nie, en blyk ook nie veel onderskeining te hê nie! Die "movie reviews" is goed gedoen, maar laat jou as ouer steeds om self die besluit te neem. Ek skat niemand gaan vir jou die besluit neem nie, it's up to you.

Waar trek jy die streep?

Saturday, May 25, 2013

Our very own Avocado tree!




You grow up so quickly. Soon you won't want to climb avotrees any more. And she says: "Says who!?"

Tuesday, May 7, 2013

Wanneer alles oorwelding (10 dinge wat help)

Het moederskap en huishou jou al oorweldig?
Vir my beslis.
Daar is regtig dae wat ek voel die wasgoed gaan net nooit ophou nie en my huis gaan net nooit weer netjies wees  nie! Om nie te praat van skoon wees nie.







Waar begin jy om weer kop bo water te kom? (of waar het ek begin?)
  1. Bid. Dit is altyd 'n goeie plek om te begin - veral as jy alreeds op jou knieë is. 
  2. Spandeer tyd in die Woord. Ja, los alles netso en gaan lees jou Bybel. Begin by die Psalms, en bid nog meer.
  3. Gaan buitentoe. Kry bietjie vars lug. Neem sommer die kinders bietjie na die speel parkie toe of gaan stap om die blok.
  4. Spring in en doen wat jy moet doen.
  5. Kry die kinders om te help. Gee eenvoudige takies wat binne hul vermoë is en laat hulle baie spesiaal voel omdat hulle vir mamma help.
  6. Dit help om klein doelwitte te hê vir elke dag. Maandag: stofsuig en sit elke ding weer op sy plek. Dinsdag: maak die badkamers skoon en gooi die vullis uit. Woensdag: maak die kombuis skoon en stof af. Donderdag: strykdag. Vrydag: vee en mop die vloere indien nodig. Hier is 'n groot geheim: Ek mop net my vloere as hulle vuil LYK!
  7. Doen ten minste een bondel wasgoed per dag.
  8. Glimlag en luister.
  9. Moenie weer lugtyd op jou foon laai nie, ignopreer die rekenaar, moenie bbm/facebook/email herlaai op jou selfoon nie. Jy gaan niks mis as jy 'n dag of twee net "un-plug/afskakel" nie 
  10. Kry daardie dankie boekie uit en tel weer die dankies...
Dis wat ek gedoen het...





Nou, om dit so te hou...
Wat doen jy as alles te veel word?
Mignon

Related Posts Plugin for WordPress, Blogger...